ATH! Vegna óviðráðanlegra aðstæðna þarf að seinka aðalfundi:

Aðalfundur Stórólfshvolssóknar verður miðvikudaginn 29. maí kl. 17 í safnaðarheimili kirkjunnar. Við hvetjum öll þau sem bera hag kirkjunnar fyrir brjósti að mæta. Á dagskrá eru hefðbundin aðalfundarstörf auk þess sem hugmyndir um framkvæmdir við kirkjuna verða viðraðar. Heitt á könnunni –

Verið öll hjartanlega velkomin.

Á Sumardaginn fyrsta verður þjóðbúningamessa í Stórólfshvolskirkju kl. 13:00. Þau sem eiga þjóðbúning eru hvött til þess að koma í honum til guðsþjónustunnar. Kór prestakallsins leiðir söng undir stjórn Kristínar Sigfúsdóttur. Jódís Assa Antonsdóttir og Sigurbjörg Fríða Ólafsdóttir lesa texta dagsins og Kristín Þórðardóttir sýslumaður flytur hugvekju. Sr. Sigríður Kristín þjónar fyrir altari. Eftir guðsþjónustuna mun sveitarfélagið bjóða til kaffisamsætis í félagsheimilinu Hvolnum á Hvolsvelli.

Verið öll hjartanlega velkomin og gleðilegt sumar.

Miðvikudaginn 3. apríl kl. 16:15 verður síðasti kirkjuskóli vetrarins í kósý-stofunni. Jenni ætlar að líta við með gítarinn. Við heyrum sögu, syngjum og fáum okkur hressingu.

Hátíðarguðsþjónusta í Stórólfshvolskirkju kl. 10. Að guðsþjónustu lokinni býður safnaðarstjórn upp á morgunverð í safnaðarheimili kirkjunnar sem kórinn sér um.